काठमाडौं । आर्थिक वर्ष २०८१/८२ मा सरकारको कुल राजस्व संकलन ११ खर्ब ७८ अर्ब ८२ करोड रुपैयाँ पुगेको छ। यो अघिल्लो वर्षको तुलनामा १ खर्ब २० अर्ब रुपैयाँ बढी हो, जुन ११.३३ प्रतिशत वृद्धि हो।

२०८०/८१ मा सरकारको कुल राजस्व संकलन १० खर्ब ५८ अर्ब रुपैयाँ मात्र थियो। यस वर्ष राजस्व संकलनमा उल्लेखनीय सुधार भएको देखिएको छ।

लक्ष्य अनुसार ९१.६०% राजस्व संकलन

सरकारले चालु आर्थिक वर्षमा प्रारम्भिक रूपमा १४ खर्ब १९ अर्ब रुपैयाँ राजस्व संकलन गर्ने लक्ष्य लिएको थियो। तर, अर्धवार्षिक समीक्षापछि संशोधित लक्ष्य १२ खर्ब ८६ अर्ब कायम गरियो।
संशोधित लक्ष्यको आधारमा ९१.६० प्रतिशत राजस्व संकलन भएको हो।

अर्थ मन्त्रालयको प्रतिक्रिया

राजस्व महाशाखाका प्रमुख उत्तरकुमार खत्रीका अनुसार,

“विपद् र अन्तर्राष्ट्रिय परिस्थितिले चुनौतीहरू हुँदाहुँदै पनि अघिल्लो वर्षको तुलनामा उत्साहजनक राजस्व संकलन भएको छ। हामी चालू आर्थिक वर्षको लक्ष्य प्राप्त गर्न पूर्ण तयारीमा छौं।”

चालू वर्षको लक्ष्य: १३ खर्ब १५ अर्ब

आर्थिक वर्ष २०८२/८३ (हालको) का लागि सरकारको राजस्व संकलन लक्ष्य १३ खर्ब १५ अर्ब रुपैयाँ रहेको छ।

पछिल्ला १० वर्षको राजस्व संकलन विवरण: