काठमाण्डौ । नेपाली बजारमा सोमबार (साउन १२ गते) सुनको मूल्य स्थिर रहेको छ भने चाँदीको मूल्यमा सामान्य वृद्धि भएको छ।
नेपाल सुनचाँदी व्यवसायी महासंघका अनुसार सोमबार छापावाल सुनको मूल्य प्रतितोला १ लाख ९३ हजार ६०० रुपैयाँ कायम गरिएको छ। आइतबारको तुलनामा आज सुनको मूल्यमा कुनै परिवर्तन आएको छैन।
त्यसैगरी, चाँदीको मूल्य भने ५ रुपैयाँले बढेर प्रतितोला २ हजार २९५ रुपैयाँ पुगेको महासंघले जनाएको छ।
पछिल्ला दिनहरूमा अन्तर्राष्ट्रिय बजारसँगै नेपालको सुनचाँदी बजारमा समेत उतारचढाव देखिँदै आएको छ।
