काठमाण्डौ । नेपाली बजारमा सोमबार सुनचाँदीको मूल्य सामान्य रूपमा बढेको छ। नेपाल सुनचाँदी व्यवसायी महासंघका अनुसार सुनको मूल्य तोलामा १०० रुपैयाँले वृद्धि भएको हो।
महासंघले सार्वजनिक गरेको विवरणअनुसार आज सुन प्रतितोला १ लाख ९६ हजार ६०० रुपैयाँ मा कारोबार भइरहेको छ। यसअघि आइतबार यो मूल्य १ लाख ९६ हजार ५०० रुपैयाँमा कायम थियो।
चाँदीको मूल्यमा पनि सामान्य वृद्धि देखिएको छ। आज चाँदी प्रतितोला २ हजार २५५ रुपैयाँ मा कारोबार भइरहेको छ, जुन आइतबारको तुलनामा ५ रुपैयाँले बढी हो।
सुनचाँदीको मूल्य अन्तर्राष्ट्रिय बजारको चाल, मुद्रा विनिमय दर, माग र आपूर्तिको अवस्था लगायतका आधारमा दैनिक रूपमा निर्धारण गरिन्छ।
