काठमाण्डौ । नागरिक लगानी कोष (सीआईटी)ले आर्थिक वर्ष २०८१/८२ मा १ अर्ब २५ करोड ३५ लाख रुपैयाँ खुद नाफा आर्जन गरेको छ। अघिल्लो वर्षको १ अर्ब १० करोड २४ लाख नाफाको तुलनामा यो १३.७१ प्रतिशतले बढी हो।
समीक्षा वर्षमा ब्याज आम्दानी २३.७५ प्रतिशत घटेर ३३ करोड ७४ लाख रुपैयाँमा सीमित भए पनि सेवा शुल्क तथा कमिसनबापतको आम्दानी १७.१७ प्रतिशतले बढ्दै १ अर्ब ६५ करोड ३५ लाख रुपैयाँ पुगेको छ।
चुक्तापुँजी ६ अर्ब ४८ करोड १७ लाख रुपैयाँ रहेको कोषको जगेडा कोषलगायतको कुल आकार ०.७७ प्रतिशतले बढेर ३ खर्ब ११ अर्ब ६ करोड रुपैयाँ पुगेको छ।
गत वर्षको तुलनामा कोषको कुल लगानी २ खर्ब ८९ अर्ब १६ करोड रुपैयाँमा पुगेको छ, जसमा १८.६५ प्रतिशतको वृद्धि भएको हो। समीक्षावर्षमा वार्षिकीकृत प्रतिसेयर आम्दानी (ईपीएस) घटेर १९.३४ रुपैयाँ कायम भएको छ भने प्रतिसेयर नेटवर्थ १६४.२३ रुपैयाँ रहेको छ।
