काठमाण्डौ । आज शेयर बजारमा दोहोरो अंकले बढेर बन्द भएको छ । आज शेयर बजार नेप्से परिसूचक ३० दशमलव ४९ अंकले बढेर ३००१ को विन्दुमा कायम भएको छ । आज १७६ कम्पनीको शेयर मूल्य बढेको छ भने ७४ कम्पनीको शेयर मूल्य घटेको छ ।
आज दिनभरिमा ३२१ कम्पनीको ४ करोड १८ लाख ८ हजार ९६६ कित्ता शेयर किनबेच हुँदा १८ अर्ब ५२ करोड माथिको शेयर कारोबार भएको छ । आज सबैभन्दा धेरै हिमालयन डिष्टिलरीको शेयर कारोबार भएको छ । आज यस कम्पनीको ६४ करोड ४१ लाख रुपैयाँको शेयर कारोबार भएको छ । ग्रिन भेञ्चरको ६३ करोड ८२ लाख रुपैयाँको शेयर कारोबार भएको छ । नेपाल पुनर्बीमा कम्पनीको ५६ करोड ९२ लाख रुपैयाँको शेयर कारोबार भएको छ । हिमालयन रिइन्स्योरेन्सको ५२ करोड ७७ लाख रुपैयाँको शेयर कारोबार भएको छ ।
आज सबैभन्दा धेरै मुक्तिनाथ कृषि कम्पनी, ट्रेड टावर कम्पनी, सान्भी इनर्जीका लगानीकर्ताले कमाएका छन् । आज यी ३ कम्पनीका लगानीकर्ताले १० प्रतिशतका दरले कमाएका हुन् । नाडेप लघुवित्त वित्तीय संस्थाका लगानीकर्ताले ९ दशमलव ९९ प्रतिशतका दरले कमाएका छन् ।
आज सबैभन्दा धेरै समता घरेलु लघुवित्त वित्तीय संस्थाका लगानीकर्ताले गुमाएका छन् । आज यस कम्पनीका लगानीकर्ताले ८ दशमलव ६० प्रतिशतका दरले गुमाएका हुन् ।
लु आर्थिक वर्षको सुरुवातसँगै नेपाल राष्ट्र बैंकले लचिलो मौद्रिक नीति ल्याएको छ, जसले पूँजी बजारप्रति लगानीकर्ताको विश्वास बढाएको हो । यस्तै, विभिन्न आर्थिक सूचकहरू सकारात्मक देखिन थालेपछि बजारमा हरियाली फर्किएको छ । स्थिर आर्थिक संकेतकहरूले पनि शेयर बजारप्रतिको आकर्षणलाई थप बढाएको विश्लेषण गरिएको छ ।
बैंकिङ प्रणालीमा तरलता प्रशस्त हुनु, कर्जाको ब्याजदरमा आएको गिरावट र निक्षेपमा तुलनात्मक रूपमा कम प्रतिफलले पनि लगानीकर्ताहरूलाई शेयर बजारतर्फ तानिरहेको छ । अहिले अधिकांश बैंकहरूले ८ प्रतिशतभन्दा कम ब्याजदरमा कर्जा प्रवाह गरिरहेका छन्, जसले पूँजी बजारमा लगानी गर्दा अपेक्षाकृत बढी प्रतिफलको सम्भावना देखिएको छ ।
