काठमाण्डौ । एनसेल आजियाटाले व्यवसायिक प्रयोगकर्तालाई लक्षित गर्दै ‘बिज सधैँ अन’ योजनामा विशेष मनसुन अफर ल्याएको छ। यस योजनाअन्तर्गत पोस्टपेड, साना तथा मझौला उद्यमी र कर्पोरेट ग्राहकहरूले एक वर्षसम्म ढुक्क भएर सेवा लिन सक्ने सुविधा पाउनेछन्।

‘१० महिना तिर्नुहोस्, १२ महिना सेवा पाउनुहोस्’ मोडलमा आधारित यस अफरमा ग्राहकहरूले बिज सधैँ अन ३९९ वा ६४९ योजनामा १० महिनाको शुल्क तिरेर १२ महिनासम्म सेवा लिन सक्नेछन्। यसरी थप दुई महिनासम्म सेवा निःशुल्क प्राप्त हुनेछ।

३९९ योजना लिने ग्राहकले हरेक महिना १० जीबी डेटा, जुनसुकै लोकल नेटवर्कमा ४०० मिनेटको टक टाइम र ४०० एसएमएस पाउनेछन्। यता, ६४९ योजना लिने ग्राहकले हरेक महिना ३० जीबी डेटा, अनलिमिटेड टक टाइम र ६५० एसएमएसको सुविधा पाउनेछन्।

कम्पनीले कर्पोरेट ग्राहकका लागि बन्डल अफर पनि उपलब्ध गराएको छ। जसअनुसार तीनवटा मोबाइल नम्बरमा वार्षिक योजना लिएमा एक नम्बरले ६ महिनाको सेवा निःशुल्क पाउनेछ भने पाँचवटा नम्बरमा सेवा लिएमा दुईवटा नम्बरले ६–६ महिनासम्म निःशुल्क सेवा प्राप्त गर्न सक्नेछन्।

एनसेलले यो अफरमार्फत नेपाली व्यवसायलाई डिजिटल रूपमा सशक्त बनाउन सहयोग पुर्‍याउने विश्वास लिएको जनाएको छ।